Marco may lalim na ang arte

REALITY BITES
ni Dominic Rea

SERYOSONG tao o hindi mahaplos ang image nitong si Marco Gallo na bidang lalaki sa Viva One series na Rain In Espana with Heaven Peralejo na magsi-season premiere na simula May 1.

May karapatan naman siya dahil mukhang mamahalin naman talaga ang datingan ni Marco at mukhang gentleman pa. ‘Yan ang naging impression ng karamihang cast sa movie series ni Theodore Boborol. Pero kapag nakilala mo naman at nakasalamuha si Marco ay napaka-low profile nito at bungisngis din. 

Nasilip namin ang ilang eksena niya sa series at mukhang nag-improve na ang kanyang acting l at ikaka-proud mo na siya. 

Malalim na rin si Marco kapag umarte at kapag nabigyan siya ng isang bonggang karakter pa sa mga gagawin niyang pelikula in the future, naku, sisikat pa lalo si Marco! 

Naalala ko tuloy ang paborito kong sexy actor noong 80’s and 90’s na si Miguel Rodriguez! Remember? Iba rin kasi ang dating nitong si Marco. ‘Ika nga nila, mukha pa lang ulam na. What more kapag nag-shirtless pa ‘yan, ‘di ba???