HATAW! D'yaryo ng Bayan hatawtabloid.com
REALITY BITES
ni Dominic Rea
HINATAK ang wigalung pula ni Vice Ganda habang umiikot ito sa audience sa naging concert nito sa Edmonton, Canada. Kitang-kita sa isang Tiktok video na biglang hinatak ang wigalu ni Vice. Kitang-kita rin ang pagkabigla ng komedyanteng host at kaagad nitong binalingan ng tingin ang isang lalaki at sinabihan itong rude.
Sabi ng lalaking kaharap ni Vice, girlfriend niya umano ang humatak sa wigalu niya at sinabihan niya ulit itong they’re both rude.
Actually, pinagtripan ang wigalu ni Vice at tila may galit sa kanya ang naturang couple huh! Mukhang imbiyerna raw si Vice pero kailangan pa rin nitong ituloy ang kanyang number at pagbibigay-saya sa mga taong nagbayad para makita siya at mapanood.
Mga tao talaga noh! Buti na lang at sa Canada nangyari ‘yun, dahil kung dito, naku, baka umiral ang pagka-maton ni Vice at hindi lang payo ang inabot ng couple na ‘yun.
Mabait pa rin si Vice! Ipinakita niya pa ring sa ganoong sitwasyon ay puwedeng diplomasya sa salita ang kanyang pairalin.
