Jhassy, John, MJ malaki ang impact sa UHome

SHOWBIZ KONEK
ni Maricris Valdez Nicasio

HINDI pa man napapanood ang launching movie na Roommate ng tambalang Jhassy Busran at John Heindrick Sitjar pero heto’t sunod-sunod agad ang maraming project. Isa na rito ang pagiging endorser nila kasama si MJ Manuel ng University Home o UHome student dormitory sa may Piy Margal-Lacson Streets, Manila.

Kaya naman ganoon na lamang ang kasiyahan ng tatlong bagets sa mga project na ipinagkakatiwala sa kanila.

“Masaya po kasi wala pa ‘yung launching movie namin pero ang dami ng nagtitiwala  sa amin at nakakakita ng potential sa aming dalawa. At ngayon kasama pa namin si Kuya MJ. 

“So, ang fulfilling po niya honestly, na ganoon po. Katulad po nina Sir Jayson (Bautista) na pinagkatiwalaan po nila kami. Sobrang saya po,” ani Jhassy sa isiangawang contract signing nila sa UHome kamakailan.

Bale ikatlong endorserment ni Jhassy ang Uhome habang ikalawa ni John Heindrick.

“Tinitingnan ko po ito as another blessing. Thank you, Sir Jayson sa pagtitiwala sa amin. At saka naging close na rin kami kay Sir Jayson noong nag-taping kami rito ng ‘Roommate.’ (Facebook-series),” ani John Heindrick. 

Sa UHome pala kasi ginawa ang shooting ng naturang Facebook series na ipinakita kung gaano kaganda, kalinis, at kakomportable ang tirahang iyong ng mga estudyante na tamang-tama sa mga nag-aaral sa UST, FEU, NU, at iba pang unibersidad sa Maynila. Bukod kasi na apat lamang na indibidwal ang laman ng bawat kuwarto, kompleto sa pasilidad ang UHome tulad ng study hall, recreational room, swimming pool, wifi at iba pa.

 Sabi nga ni UHome’s leasing department manager Jayson Bautista, “One of the requirements namin kasi kaya sila ang napili namin  is one of course, malaking tulong talaga ‘yung naging part ng ‘Roommate.’

“‘Yung collaboration namin sa ‘Roommate,’ ipinakita nila kung ano ang difference ng University Homes compared sa maraming dormitories. And doon sa mga target market namin are students. 

“And maganda rin ang image nila bilang katulad nilang mga estudyante ang target namin para sa mga ganitong condormitel.

“Basically, the same age nina Jhassy, Heindrick and MJ. They made an impact doon sa mga ka-age nila as well as part namin sa marketing as brand ambassadors.”

Bukod dito good investment din ang UHome ani Mr Jayson. Kaya kung hanap ninyo ang komportableng tirahan at magandang investment, go na kayo sa UHome.