Yorme Isko na-pressure sa eksena nila ni Ruffa

MA at PA
ni Rommel Placente

SI former Manila Mayor Isko Moreno ay isa sa cast ng Martyr or Murderer. Gumaganap siya bilang si former Senator Ninoy Aquino.

Ang huling pelikula na ginawa ni Yorme bago siya nag-comeback sa Martyr or Murderer, ay ang Bonifacio: Ang Unang Pangulo noong 2014 na pinagbidahan ni Robin Padilla.

Gumanap siya roon bilang Padre Jose Burgos, isa sa GomBurZa (o MaJoHa?).

Sa media conference ng MOM, tinanong si Yorme kung kinalawang na ba ang kanyang acting ability sa tagal na hindi siya nag-artista?

Natatawang sagot ni Yorme, “Ha! Ha! Ha! Ha! Well, it’s up to Darryl to say such thing. Basta one, thank you kay Tito Lhar Santiago, Lito Mañago, Ricky Calderon.

“You know why? It reminded me of the training that I had. Noong nag-uumpisa kasi ako, ‘yung tatlo na ‘yun, sila ang nagte-training sa akin sa showbiz.

“Doing so, muscle memory. Plus as I have said, some studies about Senator Ninoy. Actuation, mannerism, and of course with Direk Darryl. Tinatanong ko siya kung, ‘Eto ba, gusto mong makuha or makita sa lente?’

“Direk Darryl is very helpful. And the team is very helpful. So, may kaba ng kaunti. Lalo na… eto! Trivia, hindi natanong kanina.

“‘Yung first ko is the New York incident. Kami ni Ruffa [Gutierrez], first scene namin of the day. 

“OK, first scene of the day, nagre-rehearsal kami ni Ruffa, bigla ba namang sabi ni Direk, ‘OK, OK! Eto, pan-trailer itong scene na ‘to.’

“We were like… ‘Direk naman. Breaking the ice pa lang kami.’ Tapos biglang… ‘yun! Nakaka-pressure but I hope you will like it and I hope, everyone magustuhan ‘yung eksenang iyon.”