JanB talents pasisikatin ang mga newbie singer

INILUNSAD kamakailan ng JANB ENTERTAINMENT, isang hybrid (into digital, mainstream & on the ground media) company na nag-o-offer ng original music na may genre na tulad ng Soul, R&B, Pop, Rock, OPM at global music, ang kanilang talents na kinabibilangan ng mga baguhan pero magagaling at talentadong singers. 

Ipinakilala kamakailan ang singer na Pinoy artist based sa New York na si Eytch Angeles na kamakailan ay kasama ng Filipino alternative rock band na Sponge Cola sa U.S. Jeepney Tour 2023 bilang isa sa mga front act.

Si Eytch ay singer at songwriter na ang latest single ay Sa Kalawakan.

Isa si Eytch sa mga ipinakilala sa first community mic series mediacon na produced by JanB Entertainment kamakailan sa Illusion Pub & Grille Cafe sa Mandaluyong City. 

Ipinakilala rin sina Ashley, Tif, Almyn, Boyong, at Chelle na alaga rin ng JanB.

Ani Jeanette Torres Bocobo,  CEO ng JanB, masuwerte ang ‘Pinas sa pagkakaroon ng mga talented singer na hindi lang nadi-discover at nabibigyan ng big break. 

Siyempre nga naman, sa pamamagitan ng JanB Entertainment, mas malaki ang chance na magsa-shine at maaabot 

ang kani-kanilang pangarap na magkaroon ng puwang sa music industry.

Nagparinig ang bawat isa sa alaga ng JanB at mabigyan lang sila ng pagkakataon na maibahagi ang kanilang talento tiyak na may puwang sila sa ating music industry. (MValdez)