HATAW! D'yaryo ng Bayan hatawtabloid.com
SHOWBIZ KONEK
ni Maricris Valdez Nicasio
NAGBIGAY-PUGAY si Coco Martin kay TV5 Chairman, Manny V. Pangilinan sa pagbubukas ng pinto sa kanya sa Kapatid Network.
Ganoon na lang ang kasiyahan ng actor/direktor sa pagbubukas sa kanya ng pintuan ng boss ng TV5 para maipalabas ang kanyang bagong serye, ang FPJ’s Batang Quiapo. Ito ay parte ng collaboration ng Kapatid at Kapamilya Network.
Kaya naman agad ibinahagi ni Coco ang larawan nila ni MVP sa kanyang social media account at sinabing tatatanawin niyang isang malaking utang na loob ang ginawang tulong sa kanya at sa kanilang show.
Anang caption ni Coco sa kanilang larawan,
“Maraming salamat po MVP sa pagbubukas ng pinto para sa Batang Quiapo sa TV5. Napakalaking tulong po para sa aming lahat ito. At tatanawin po naming utang na loob. God bless you po.”
Ipinasilip din ni Coco ang pakikipag-usap niya sa iba pangTV5 executives kasama ang mga ABS-CBN executive na sina Mark Lopez, Carlo Katigbak, Cory Vidanes, at Bobby Barreiro.
Kasama rin sa meeting/dinner ang ilang cast sa Batang Quiapo tulad nina Mark Lapid, John Estrada, at Cherry Pie Picache.
Mapapanood na sa Pebrero 13 ang FPJ’s Batang Quiapo.
