HATAW! D'yaryo ng Bayan hatawtabloid.com
RATED R
ni Rommel Gonzales
PAYANIG ngayong 2023 ang groundbreaking series na Unbreak My Heart dahil nagsanib-puwersa ang GMA, ABS-CBN, at Viu Philippines.
Kamakailan ay opisyal nang ipinakilala ang star-studded cast ng upcoming series na mapapanood ngayong 2023 at ang mga lead star ng serye ay sina Jodi Santamaria, Richard Yap, Joshua Garcia, at Gabbi Garcia.
Ipinahayag ng mga nabanggit ang kanilang nararamdaman tungkol sa pagkakabilang nila sa kauna-unahan at biggest collaboration project na mangyayari sa Philippine television.
“Very out-of-the-box kind of Gabbi. It’s my first time doing this kind of role na napaka-deep. Malaki siyang bagay sa growth ko bilang isang aktor. I’m really excited to accept all the challenges and the growth and the learnings na makukuha ko from this project,” pahayag ni Gabbi.
Sinabi naman ni Joshua na, “Honored and grateful to be part of this historical collaboration between ABS-CBN and GMA. Excited ako sobra to work with Gabbi, Miss Jodi and Sir Richard.
“This is a breakthrough and we are making history with this project and I am very honored to be proud of it,”pahayag naman ni Richard.
“These are exciting times ahead,” ani Jodi, “and this is a wonderful opportunity not only for the networks but also for the people working in the network and the people in the industry na parang pwede na. Rati kasi kapag nakita ka sa isang estasyon… kailangan pa ng isang matinding paalaman. Pero ngayon, wow I just feel na, we are just free to crossover and to be working with people na hindi pa natin nakakatrabaho rati.”
Ayon naman kay Joey Abacan, First Vice President of Program Management Department ng GMA Network, “No more network wars, It’s all collaboration, It’s all partnership already and ang mananalo rito ay ang mga taong manonood.”
