HATAW! D'yaryo ng Bayan hatawtabloid.com
SHOWBIZ KONEK
ni Maricris Valdez Nicasio
‘KAIBIGAN ko dati, best friend.’ Ito ang mga salitang namutawi sa bibig ni Seth Fedelin nang matanong ang real score sa kanila ni Francine Diaz sa isinagawang media conference ng bagong seryeng tiyak na pag-uusapan na naman dahil pawang magagaling at bigatin ang mga bida, bukod pa sa ganda ng istorya, ang Dirty Linen na mapapanood na simula January 23, 2023 sa ABS-CBN mula Dreamscape Entertainment.
Matagal nang hot item sina Seth at Francine at lalo pang tumindi ang usapin sa kanila sa pagsasama sa pinakabagong drama series ng ABS-CBN na Dirty Linen
“Sobrang saya kasi kaibigan ko itong si Francine, eh. Kaibigan ko, dati…” nakangiting sabi ni Seth nang matanong ang real score sa kanila ng dalaga.
“E, ngayon?” follow up na tanong ng entertainment press.
“Saka na siguro,” natatawang sabi ng binata at saka idinugtong ang, “best friend.
“Matalik kong kaibigan talaga itong si Francine. Happy ako dahil nagwo-work kami. Nagiging team kami kapag nasa set na kami. And kahit wala sa set,” sambit pa ni Seth.
Aminado ang dalawa na pressured sila kapwa sa unang pagtatambal lalo’t napakahuhusay ng kanilang mga kasama. Pero ginawa nila ang lahat para hindi mapahiya sa Dreamscape Entertainment at sa manonood.
“We wouldn’t say na sobrang lakas kasi first time po namin ito (as love team) na magkasama sa isang show. Pero siyempre grateful po kami sa love and support nila. Sobra-sobra rin ang aming pasasalamat sa Dreamscape, kay Sir Deo (Endrinal),” sabi naman ni Francine sa napakainit na pagtanggap ng fans sa tandem nila ni Seth.
Si Nico si Seth mula sa kampo nina Joel Torre, Jennica Garcia, at Christian Bables. Samantalang si Francine si Chiara, anak nina John Arcilla at Janice de Belen at kapatid ni Zanjoe Marudo.
Makakasama rin sa Dirty Linen sina Janine Gutierrez at Zanjoe Marudo gayundin sina Tessie Tomas, Janice de Belen, Joel Torre, Susan Africa, Nanding Josef, Soliman Cruz, at John Arcilla. Ang iba pang cast ay sinaEpy Quizon, JC santos, Christian Bables, Aubrey Miles, CJ Navato, Xyriel Manabat, Raven Rigor, Ana Abad Santos, Rubi-Rubi, at Jennica Garcia. Idinirehe ang Dirty Linen nina Onat Diaz at Andoy Ranay. Mapapanood na sa January 23, 9:30 p.m..
