HATAW! D'yaryo ng Bayan hatawtabloid.com
SHOWBIZ KONEK
ni Maricris Valdez Nicasio
ADVANTAGE sigurong masasabi na magkarelasyon sina RK Bagatsing at Jane Oineza para hindi sila mailang o mahirapan gawin ang mga sex scene nila sa pelikulang The Swing na collaboration ng Star Music at MavX Productions.
Pag-amin nina RK at Jane game na game sila sa mga ipinagawa sa kanila ng direktor nilang si RC delos Reyes. Wild nga kung ilarawan ng dalawa ang kanilang mga ginawa sa pelikula.
Tumodo sila sa nasabing sex-drama film na ang kuwento ay ukol sa mag-asawang gustong i-save ang kanilang relasyon sa pamamagitan ng unconventional na paraan — at ito nga ay ang tinatawag na swinging o swapping (palitan) ng sexual partners.
Ang pelikula ay kinunan sa Switzerland kaya naman may mga Swiss actor na kasali sa pelikula at nakasama nina RK at Jane sa kanilang love scene.
Bago sumalang sa maseseland eksena, binigyan sila ng intimacy coach para mapadali ang mga eksena kasama ang mga aktor sa naturang bansa.
“‘Yung intimacy coach na ‘yon, ang trabaho niya is to make sure na lahat komportable.
“Walang lalampas sa mga set na limitations. So, kapag may direksiyon si Direk RC, pupunta sa intimacy coach, at ita-translate niya sa amin. Para walang gulatan.
“Hindi mo puwedeng biglain ang co-actor mo, na dahil naramdaman mo, puwede na!” ani RK.
Ipinaliwanag din ng kanilang direktor na hindi niya pinilit ang kanyang mga artista sa ilang eksena na maselan. Kung hindi raw komportable ang kanyang artista hindi niya ipinagagawa.
Kaya naman si Jane hindi masyadong nahirapan sa mga eksenang kailangan niyang maghubad at gawin ang maseselang eksena.
“Hindi ako nahirapan, kasi naalagaan naman ako ng buong team. Every after ng eksena, tinatanong nila ako kung okey ako. Binibigyan nila ako ng robe. At bago ang eksena, tinitiyak nila na okay ako,” sambit ng aktres.
Ang The Swing ay kasama sa tatlong pelikulang collaboration ng Star Magic at MavX. Ang dalawa pa ay ang g I Love Lizzy nina Carlo Aquino at Barbie Imperial na mapapanood sa mga sinehan simula January 18 at ang Unravel nina Gerald Anderson at Kylie Padilla.
