HATAW! D'yaryo ng Bayan hatawtabloid.com
MA at PA
ni Rommel Placente
MASAYA ang mga tagahanga ni Kim Chiu nang makita nila sa Twitter account ng ABS-CBN Entertainmentang mga larawan at screen shots mula sa ABS-CBN Christmas Special 2022, na ipinalabas noong Linggo, na nasa sentro ng pinagsama-samang Kapamilya actresses, na binubuo ng mga bago at kilalang leading ladies at female lead stars ang kanilang idolo.
Katabi rin ni Kim ang ABS-CBN bosses na sina Mark Lopez at Carlo Katigbak.
Indikasyon daw iyon na binibigyang importansiya ng Kapamilya Network si Kim sa Christmas special.
Tweet ng isang fan ni Kim, “Finally nasa center at focal point si Kim @prinseschinita. Dapat lng naman considering her years and stature at @ABS-CBN and @starmagicphils.
Salamat nman binigyan nyo rin ng karampatang importansiya si Kim. Truly, deserving to be the Queen of @starmagicphils. Thank you po ulit.”
Ini-retweet naman ng girlfriend ni Xian Lim ang saloobing ito ng kanyang tagahanga.
Isa pang tagahanga ni Kim ang nag-tweet. Sinabihan nito ang isang Kapamilya TV production head writer.
Sabi ng fan, dapat ay maging fair ang head writer at i-consider nito ang lahat ng factors bago mag-decide sa billing such as popularity, bankability, achievement and years of service.
Pero ayon kay Kim, hindi importante sa kanya ang billing at sapat na sa kanyang may trabaho siya.
Reply ni Kim sa kanyang tagahanga, “I think billing is not as important, di rin naman lalaki TF [talent fee] mo if ikaw yun una, huli or gitna.
“Bastat may trabaho ako okay na po ako dun.
“Salamat sa ABSCBN sa mga opportunities na binibigay nila sa akin.
Nakatutuwa talaga si Kim, ‘di ba? Para siyang ang namayapang aktor na si Eddie Garcia na hindi importante ang billing.
Pero sa pagiging sikat, dami ng achievements, at laging hataw sa rating ang mga serye na pinagbidahan ni Kim sa ABS-CBN. Dapat lang naman at deserved niya na laging maganda ang kanyang billing, ‘di ba?
