HATAW! D'yaryo ng Bayan hatawtabloid.com
MA at PA
ni Rommel Placente
NAKAUSAP namin ang isa sa owner ng Ms. L’s Beauty & Wellness Corp na si Miss Loiegie Dano Tejada sa blessing ng main office nito sa Westria Residences 77 West Avenue.
Ipinaliwanag niya kung bakit naisipan niyang magtayo ng ganitong klase ng business na pampaganda at para sa kalusugan.
Sabi niya, “Kasi this is my passion. Nagkaroon tayo ng kaunting pangarap dito sa industry natin.
“Eversince noong bata pa ako, isa sa mga goal ko na magkaroon ng ganitong klase ng business para rin doon sa mga kababaihan na gustong magpaganda, na hindi naman ganoon kamahal ‘yung price namin. Affordable ito ng lahat.”
Isa rin ba sa rason ay dahil mahilig siyang magpaganda?
“Oo mahilig din,” sagot niya.
“Pero noong bata ako, hindi ako nakabibili ng make up at saka ng mga doll,” natatawang sabi pa niya.
Natutuwa si Miss Loiegie na ngayon ay kayang-kaya niya nang bumili ng mga gusto niya dahil nga may business na siya, na so far, ay okey naman ang kinikita.
Ayon sa isa pang owner ng Ms. L’s Beauty & Wellness Corp na si Miss Leslie Intendencia, kung maiisipan nilang kumuha ng endorser, ang gusto niya ay si Marian Rivera.
Si Miss Loiegie naman, ang gusto niya ay si Ivana Alawi.
Pero alam niya na malabong mangyari ‘yun dahil may ineendoso na ang sexy star na gaya ng kanilang business.
Bukod kay Miss Loiegie at Miss Leslie, ang tatlo pa sa owners ng Ms. L’s Beauty & Wellness Corp ay sina Mr. Gerry Gascon at Mr. Benjardi Reguero.
Si Miss Loiegie at Miss Leslie ay parehong nagsimula bilang make-up artist. At bongga dahil mahuhusay silang make up artist, dahil nag-aral sila ng pagme-make-up sa Thailand, Indonesia, at Malaysia.
