Bea, Dominic langgam na lang ang kulang sa sobrang sweet

RATED R
ni Rommel Gonzales

NAPAKA-SWEET at langgam na lang ang kulang sa magkasintahang Bea Alonzo at Dominic Roque sa kanilang pagliliwaliw sa Italy.

Pinasyalan ng Start-Up PH actress at boyfriend niya ang Milan Cathedral at ibinahagi nila ang kanilang kilig moments sa Instagram story ni Dominic na agad namang ini-repost ni Bea.

Sa video ay wagas ang ngiti ng dalawa habang nasa background nila ang Duomo di Milano, pagkatapos ay hinalikan nila sa pisngi ang bawat isa.

Naunang lumipad patungong Europa si Bea matapos ang taping nila nina Alden Richards, Jeric Gonzales, at Yasmien Kurdi.

Makalipas ang ilang araw ay sumunod si Dominic kay Bea sa Italya.