HATAW! D'yaryo ng Bayan hatawtabloid.com
MA at PA
ni Rommel Placente
USAP-USAPAN na hiwalay na sina Daniel Padilla at Kathryn Bernardo. Sa finale presscon kasi ng serye nila, maraming nakapansin na hindi sila sweet unlike noon na kapag magkasama ay laging magka-holding hands.
Pero ayon sa mommy ni Daniel na si Karla Estrada, walang katotohanan na nagkanya-kanya na ng landas ang KathNiel.
May isang netizen kasi ang nagtanong sa kanya, sa pamamagitan ng kanyang Instagram account, tungkol sa hiwalayan ng KathNiel, na ang sagot niya ay walang katotohanan.
Tanong ng netizen published as it is, “Tita Karla please enlighten us na hindi totoo na break ang KathNiel or may problem sila po. May naglalabasan po kasing mga comments sa TikTok dahil lang sa pagsabi ni Dj na si Summer and definition ng pinaka loyal niya.”
At ang reply ni Karla: “WALANG KATOTOHANAN!!!”
So, ayan siguradong matutuwa ang mga tagahanga nina Daniel at Kathryn dahil mariin ngang itinanggi ni Karla na hiwalay na ang dalawa.
At totoo ngang sina Kathryn at Daniel pa rin. Noong opening kasi ng bagong business ni Kathryn noong October 28, Friday, na isang boutique resort sa El Nido Palawan ay sinamahan siya ni Daniel nang magpunta siya roon.
Ang alam namin sa isang episode ng seryeng 2 Good 2 Be True ng dalawa nagsabi si Kathryn na makikipag-break kay Daniel. Posibleng dito nagsimula ang tsikang hiwalayan ng dalawa na totoo naman, sa serye nga lang.
