Loisa Andalio ipinagsigawan: Wala akong retoke sa mukha 

SHOWBIZ KONEK
ni Maricris Valdez Nicasio

IPINAGGIITAN ni Loisa Andalio na hindi siya retokada. Ito ay bilang sagot sa mga netizen na naghuhumiyaw na may mga ipinagawa siya lalo na sa kanyang mukha.

Ayon kay Loisa, wala siyang ipinagawa ni isa sa kanyang mukha. 

Sa post ng dalaga sa kanyang social media account ng kanyang picture, may mensahe iyong hindi siya produkto ng anumang uri ng retoke o cosmetic enchancement.

“Ang dami ko pong nababasang comment, at hindi rin ako mahilig sumagot sa ganito pero gusto ko lang po linawin na wala po akong retoke kahit .1% at wala rin po akong balak.

“Hindi rin po ako against sa mga nagpapa-enhance…your body, your rules. Ayun lang po,” giit ng girlfriend ni Ronnie Alonte.

Ipinagtanggol naman si Loisa ng kanyang fans at nagpatotoong wala ngang binago sa mukha nito.