HATAW! D'yaryo ng Bayan hatawtabloid.com
SHOWBIZ KONEK
ni Maricris Valdez Nicasio
NO-NO si Arron Villaflor sa frontal nudity pero totodo siya sa paghuhubad at pagpapaseksi. Ito ang tiniyak ng aktor sa digital mediacom kamakailan para sa kanya ng Viva.
Magiging bahagi na ang dating Kapamilya actor ng Viva Artists Agency kaya asahan na magsusunod-sunod na ang kanyang projects ngayong 2022.
Unang project ni Arron sa Viva ang original Vivamax series na Wag Mong Agawin Ang Akin na makakasama niya sina Angeli Khang, Jamila Obispo, at Felix Roco.
At dahil palaban at nasabak na siya sa Vivamax, natanong ang gwapong aktor kung kaya ba niyang makipagsabayan sa paghuhubad at pakikipag-love scene na ginagawa ng mga male sexy star ng Viva?
“Yes, I’ve seen them and yes, kinakabahan ako kasi bagong mundo ito, but basta kailangan ng story, kung kailangang nakahubad, I’m ready to do it.
“Basta huwag lang frontal, hindi ko kaya. And also, no Boys Love stories kasi I won’t be comfortable doing them,” paglilinaw ni Aaron.
Sinabi rin ni Aaron na wala siyang tampo sa ABS-CBN kung kaya lumipat siya ng obang management.
“I guess, hindi lang naman ako yung nahiwalay o nawala sa ABS-CBN. Ayoko lang mabakante.
“I am not getting any younger. I’m 32 so sobrang excited ako sa lahat ng projects na puwedeng dumating para sa akin. At ‘yung tampo, never akong nagtampo sa mga nakatrabaho ko,” aniya pa.
