HATAW! D'yaryo ng Bayan hatawtabloid.com
RATED R
ni Rommel Gonzales
MALAYO sa inaasahan niya ang nakita ni Rabiya Mateo sa pagkatao nina Kim Atienza, at Pokwang.
“Si Kuya Kim akala ko kasi nasa news and current affairs siya akala ko masyadong stiff ‘yung personality, however sa dressing room talaga siya pa ang nagbabangka-bangka minsan ng tsismis,” at tumawa si Rabiya.
“Parang, kanya-kanya rin naman kaming dala na baon [na tsmismis]. At saka si Kuya Kim napakabait niya talaga, napakabait niya and sabi ko nga hindi ko lang siya workmate, churchmate ko rin siya.
“Kay Mamang Pokwang naman po, parang dati, takot akong magkamali kasi I know napakatagal na niya po sa industriya pero si Mamang nandoon talaga ‘yung touch ng pagiging nanay.
“Hindi talaga maiiwasan. Like for example ‘pag kaunting masama lang ‘yung pakiramdam, ‘Anak gusto mong gamot? May gamot dito.’ ‘O magdadala ako ng pagkain bukas.’
“Parang mas na-prove ko na kahit sobrang tagal na nila sa industrya nandoon pa rin po talaga ‘yung puso sa kung anumang ginagawa nila ngayon.”
Ang TikToClock ay ang bagong game show ng GMA na anf mga host ay sina Rabiya, Pokwang, at Kim na nagsimulang umere noong July 25, 2022, mula Lunes hanggang Biyernes ng 11:15 a.m., bago ang Eat Bulaga!
