HATAW! D'yaryo ng Bayan hatawtabloid.com
MAINIT na tinanggap ni President Ferdinand “Bong Bong” Marcos Jr. ang Philippine Women’s National Football team sa Malacanang nung Miyerkules at pinuri sila sa pagkakapanalo sa 2022 AFF championship.
Para pasiglahin ang event, dinala sila ni Philippine Sports Commission officer-in-charge at Executive Director Atty Guilllermo Iroy sa Malacanang. Pinasalamatan ng presidente ang kampeon na nagbigay ng makasaysayang tagumpay para sa bansa.
Nagbigay ang PFF ng football na pirmado ng mga miyembro ng national team sa presidente kasama ang football shirt na may pangalan ni Bong Bong.
Pinasalamatan ng presidente ang PSC at PFF sa kanilang patuloy na tagumpay sa sports. Sinabi niya na ang tagumpay ng team ay dahil sa matinding training at hardwork.
Sinabi rin ni president Marcos na ang puso ng Filipino ay naipakita ng Filipinas sa kompetisyon na nagbigay ng honor. Sinabi pa niya, “sports means more than just playing games, it means developing discipline, learning to sacrifice, to be gracious in victory. Learning to work with other people, as a team, which are lessons we carry on in our life. And that’s how important sports is.”
Pagkaraan ng photo op sa presidente, ang delgasyon ay nakipagkita kay Executive Secretary Victor Rodriguez at Presidential Management Staff Secretary Ma. Zenaida Benedicto-Angping. Pinasalamatan ni Sec. Rodriguez ang mga atleta sa ibinigay nilang karangalan sa bansa.
Present din sa naging courtesy call si PFF President Mariana Araneta Jr. Ang PFF Secretary General Atty. Edwin Gastanes kasama ang team officials na pinagunahan ni Team Manager Jefferson Cheng.
