HATAW! D'yaryo ng Bayan hatawtabloid.com
NAIPANALO ng Laguna Heroes ang kanilang last elimination match kontra sa Quezon City Simba’s Tribe, 12-9 para pumuwesto na pang-apat sa 2022 Professional Chess Association of the Philippines (PCAP) Northern Division virtually na lumarga sa Chess.com Platform nung Miyerkules ng gabi.
Sariwa pa sa back-to-back na panalo nung Sabado ng gabi sa Isabela, 19-2, at Rizal, 12-9, ay naipagpatuloy nila ang winning move at huling biktima nila ay ang Simba’s Tribe.
Nakuha agad ng Laguna ang early lead, 6-1, sa first seven playing boards sa blitz game courtesy nina two-time Asian Junior champion Grandmaster Rogelio “Banjo” Barcenilla Jr., Woman National Master Karen Jean Enriquez, Fide Master Jose Efren Bagamasbad, Vince Angelo Medina, Arena Grandmaster Kimuel Aaron Lorenzo at Richie Jocson.
Sa rapid category ay nakabalik ang Quezon City na nakuha ang momentum sa panalo nina National Master Robert Arellano, Ricky Echala, Kristian Paulo Cristobal at Joseph Navarro tungo sa impressive 8-0 record.
Gumanti ang Laguna at nakamit ang lead column sa gabay ng momentum-boosting three-board winning streak nina Fide Master Austin Jacob Literatus, Michella Concio at Bagamasbad.
Bagama’t naisubi ng Quezon City’s 8-6 wins sa rapid category, ay nakuha pa rin ng Heroes ang no.4 spot sa division tungo sa 12-9 victory sa Simba’s Tribe.
Salamat sa last board win na ibinigay ni Bagamasbad kontra kay Quezon City Simba’s Tribe Playing Team Owner Danilo Ponay.
Tumapos ang Heroes sa kanilang regular season na may 425 points, 21 wins at 13 losses, lamang sa Manila’s 404.5 points sa Northern division.
Napanatili ng Iloilo ang no. 1 team sa conference na may 518 tallied points habang ang Pasig ay nasa second overall na may 500.5 points.
– Marlon Bernardino –
