HATAW! D'yaryo ng Bayan hatawtabloid.com
Kampo Heneral Paciano Rizal – Arestado sa isang drug buy-bust operation sa Calamba City, Laguna ang isang sexagenarian at partner nito sa pagbebenta ng shabu.
Kinilala ni Police Colonel Cecilio R Ison Jr ang mga suspek na sina Segunda G Capusi aka Dina, 60 y.o., walang trabaho, at naninirahan sa Brgy. Sampiruhan, Calamba City, Laguna; at Mark Joseph R Decena aka Kambal, 19 y.o. walang trabaho, at naninirahan sa Brgy. Pansol, Calamba City.
Inaresto ng Calamba City Police Station (CPS) ang mga suspek sa isang operasyon noong Hulyo 19, 2022, alas-2:45 ng hapon. sa Brgy. 1, Calamba City, Laguna.
Sa operasyon, nahuli ang suspek na si Decena sa aktong nakikipagsabwatan sa suspek na si Capusi sa pagbebenta ng isang sachet na naglalaman ng hinihinalang shabu sa mga pulis na nagsilbing poseur buyer.
Isa pang apat (4) na sachet na nakalagay sa coin purse na naglalaman ng hinihinalang shabu ang nakumpiska mula sa suspek na si Decena habang narekober naman sa suspek na si Capusi ang five-hundred-peso (PHP 500.00) bill buy-bust money at apat (4) na piraso ng fifty-peso (PHP 50.00) na mga perang papel na inilagay sa isang coin purse.
Ang mga nakumpiskang droga na hinihinalang shabu ay tinatayang may timbang na pitong (7) gramo at tinatayang halagang apatnapu’t pito (PHP 47,600.00).
Ang mga naarestong suspek ay kilalang source ng shabu sa Brgy. 1 at mga kalapit na Barangay.
Nasa kustodiya na ngayon ng Calamba CPS ang mga naarestong suspek at ihaharap sa Office of the City Prosecutor sa Calamba City para sa inquest proceedings para sa paglabag sa Sec. 5, 11, at 26 ng R.A. 9165 (Comprehensive Dangerous Drugs Act of 2002).
