HATAW! D'yaryo ng Bayan hatawtabloid.com
Kampo Heneral Paciano Rizal – Pinangunahan ngayong araw ni Acting, Provincial Director, P/Col. Cecilio Ison, Jr., kasama ang panauhing pandangal at tagapagsalita, Mayor Cesar Areza ng munisipyo ng Pagsanjan ang groundbreaking ceremony para sa pagpapabuti ng Female Barracks (Sandigan Hall) sa Kampo Heneral Paciano Rizal, Brgy. Bagumbayan, Sta. Cruz, Laguna, bilang tugon sa Intensified Cleanliness Policy ng PNP.
Ang groundbreaking ay kasabay ng tradisyonal na Monday flag raising ceremony ng Laguna Police Provincial Office, na dinaluhan ng mga tauhan nito.
Ang pagpapabuti ay bahagi ng patuloy na pag-unlad ng Laguna PNP headquarters, na pinaniniwalaang magpapalakas sa moral ng mga tauhan nito upang maging mas epektibo sa pagganap ng kanilang tungkulin.
Ang kuwartel ay maglalaman ng mga babaeng tauhan ng PNP na nakatalaga sa loob ng Provincial Office na hindi residente ng Laguna.
“Sa pamamagitan nito, umaasa tayo sa pamamagitan nito, magiging mas komportable ang ating mga tauhan sa kabila na wala sila sa kani-kanilang tirahan sa kanilang tour of duty. Ibinigay sa ating mandato na ibigay natin ang ating dedikasyon sa ating sinumpaang tungkulin. Sa ganitong paraan man lang ay mabigyan natin ng maayos na pahingahan ang ating mga pulis,” ani P/Col. Ison. (BOY PALATINO)
