HATAW! D'yaryo ng Bayan hatawtabloid.com
SHOWBIZ KONEK
ni Maricris Valdez Nicasio
HINDI nakapagtatakang si Piolo Pascual ang pinili para maging bidang lalaki sa Flower of Evil. Sobrang galing kasi ng lalaking bida sa Korean version nito kaya naman dapat lamang na matapatan.
Hindi rin naman siyempre pahuhuli si Lovi Poe kung galing sa akting ang pag-uusapan.
First time magkakasama sina Piolo at pero hindi nito naitago ang paghanga sa aktor.
Sey ng aktres, napakabait at napaka-sincere na tao ni Piolo at walang kayabang-yabang sa katawan.
“He’s like the most genuine actor na nakasama ko na. Parang hindi ko nga maisip na iba ang makakapareha ko sa first TV show ko rito.
“Napakabait niya, napakamaalaga and also very sincere as an actor. Parang lahat na nang gusto mo sa isang guy ay nasa kanya,” giit pa ni Lovi.
Hindi naman itinago ni Lovi ang kaba, takot, excitement, at pagiging proud sa Flower of Evil na unang drama series niya bilang Kapamilya.
“Iba talaga ‘yung pakiramdam niyong natapos namin yung ‘Flower of Evil’ kasi siyempre kapag nasa trabaho kami parang everyday sinisigurado namin na prepared kami sa set at we are jumping from one episode to another.
“Pero noong natapos namin parang iba ‘yung fulfillment kasi alam mong iba ‘yung pagod at ‘yung hirap at ‘yung dedication ng bawat tao sa amin.”
Mapapanood ang Flower of Evil sa Viu simula ngayon araw at bukas, June 24, at sa Kapamilya Channel at A2Z sa June 25 at 26.
