HATAW! D'yaryo ng Bayan hatawtabloid.com
Nasakote ng mga awtoridad sa lalawigan ng Laguna ang tatlong pinaniniwalaang sangkot sa ilegal na droga hanggang nitong Miyerkoles, 15 Hunyo.
Sa ulat ni Laguna PPO acting Provincial Director P/Col. Cecilio Ison, Jr. kay Calabarzon PNP Regional Director P/BGen. Antonio Yarra, dinakip ang tatlong drug suspects sa serye ng anti-illegal drugs buy-bust operations na ikinasa ng mga tauhan ng Laguna PPO.
Unang nadakip nitong Martes dakong 4:03 ng hapon, 14 Hunyo, ng mga tauhan ng San Pablo CPS sa pangangasiwa ni P/Lt. Col. Garry Alegre ang suspek na kinilalang si Ryan Umali, 38 anyos, binata, jeepney driver, at residente ng Brgy. San Roque, sa lungsod.
Nakumpiska mula sa suspek ang tatlong ng heat-sealed transparent plastic sachet ng hinihinalang shabu na tinatayang nagkakahalaga ng P1,500; P500 buybust money; at P100 bill.
Sunod na naaresto dakong 12:31 ng umaga nitong Miyerkoles, 15 Hunyo, ng mga elemento ng San Pedro CPS sa pangunguna ni P/Lt. Col. Socrates Jaca ang suspek na kinilalang si Christopher Agpoon alyas Resty, 44 anyos, may asawa, walang trabaho at residente ng Brgy. Sampaguita, sa lungsod.
Nakumpiska mula sa suspek ang dalawang plastic sachet ng hinihinalang shabu; isang coin purse; at P100 bill.
Dinampot ng mga tauhan ng Mabitac MPS sa pangangasiwa ni P/Capt, Eviener Boise rang suspek na kinilalang si Zherwin Andaya, 21 anyos, binate, construction worker at residente ng Brgy. Cabuoan, Sta. Maria, Laguna, dakong 1:39 ng umaga kahapon sa Brgy. Nanguma, sa nabanggit na bayan.
Nasamsam mula sa suspek ang apat na heat-sealed transparent plastic sachet ng hinihinalang shabu na tinatayang nagkakahalaga ng P2,000; at P500 na buybust money.
Nasa kustodiya ng pulisya ng kani-kanilang operating unit ang mga naarestong suspek at nakatakdang sampahan ng mga kasong paglabag sa RA 9165 o Comprehensive Dangerous Drugs Act of 2002, habang isusumite ang mga nakuhang ebidensya sa Crime Laboratory Office para sa forensic examination.
Pahayag ni P/BGen. Antonio Yarra , “Sa mga tagalalawigan ng Laguna, ipinaabot ko po na hindi po kami titigil sa pulisya ng Laguna sa pagsugpo sa ilegal na droga hanggang malinis sa ipinagbabawal na gamot o droga ang buong lalawigan ng Laguna.” (BOY PALATINO)
