Nasipa ng baka
RIDER NASAGASAAN NG TRUCK, PATAY

ISANG rider ang binawian ng buhay nang masagasaan ng isang truck matapos masipa ang kaniyang motorsiklo ng isang baka sa bayan ng Bauan, lalawigan ng La Union.

Lumitaw sa imbestigasyon ng pulisya, nasa gilid ng kalsada ang baka at hinihila ng magsasaka.

Huminto umano sa gilid ng baka ang rider saka nito sinipa ang huli na nakasakay pa sa kanyang motorsiklo.

Tumilapon ang rider sa kabilang bahagi ng kalsada at nahagip ng paparating na truck.

Pahayag ni P/Maj. Cresencio Abila, Jr., hepe ng Bauan MPS, “No\ng natapatan ng rider itong baka na nasa gilid ng highway, nagulat ito (baka) at ‘yun ang nag-cause ng pagkagulat ng baka, natadyakan niya itong rider.”

Nagkausap na umano at nagkaareglohan ang naulila ng rider, ang driver ng truck, at ang may-ari ng baka.

Samantala, pinayohan ni Abila ang mga nag-aalaga ng hayop na iwasan nang idaan sa kalsada ang mga baka o kalabaw.

“Sa mga nag-aalaga ng baka o kalabaw, kung maari ay idaan na lang sa may bukid ‘yung ating mga alaga. Huwag na rin tayong maglalagay ng alaga nating hayop sa gilid ng daan,” pakiusap ng opisyal.