HATAW! D'yaryo ng Bayan hatawtabloid.com
HANOI — Naging napakadali para kay Olympian Ernest John Obiena na mapanatili ang kanyang pole vault title habang ang Team Philippines ay naging prodaktibo sa araw na iyon nang manalo rin ng ginto sa triathlon, jiu-jitsu, fencing, at gymnastics nung Sabado para manatiling realidad ang misyon ng bansa para sa top-three finish kahit pa nga umaalagwa na sa unahan ang Vietnam sa paglarga ng 31st edition ng Southeast Asian Games.
Si Kim Mangrobang, 30, ay nananating competitive, iniwan niya ang grupo ng mga kalaban sa bike leg ng 1.5K swim, 40K bike, at 10K run event para mapanalunan ang kanyang ikatlong sunod na SEA Games crown. Naorasan siya sa men’s race ng 1:56.57.
Meron din tayong dalawang gold medals mula kay jiu-jitsu fighters Meggie Ochoa sa women’s minus 48kg class at Annie Ramirez sa women’s minus 62kg division at fencer Samantha Catantan sa women’s foil event.
Si Fil-Am Aleah Finnegan, dating US national team member, ay nanguna sa national team para sa gold medal sa women’s artistic gymnastics sa Quan Ngura Sports Palace na may iskor na 184.500. Ang Vietnam ang nakakuha ng silver na may 183.800, samantalang ang Singapore ang pumuwesto sa third na may 182.500 puntos.
Nanalo rin si Finnegan ng all-around silver medal, na may iskor na 48.250 puntos sa apat na apparatus—balance beam, floor exercise, vault, at uneven bars—na ang gold ay napunta kay Indon Rifda Irfanluthfi na may iskor na 49.650.
Ang huling sandali na napanalunan ng Pilipinas ang medalya sa women’s artistic gymnastics ay noon pang 2001 Kuala Lumpur Games, na pinangunahan ni Adelle Reyes.
Nag-ambag din ng gintong medalya sa Team Phlippines sina kickboxers Gina Iniong-Araos at Jean Claude Saclag nung Biyernes.
Si Obiena, ang isa sa world-class na atleta ng national team na pinopondahan ng Philippine Sports Commission, ay walang nakaharap na matibay na kalaban at madali niyang nasungkit ang ginto nang umangat siya sa taas na 5.46 meters sa My Dinh National Stadium na nasaksihan ng nagbubunying mga tagahanga.
Sinubukan pa ni Obiena na itaas pa sa 5.94 meters ang nairehistro niya pero nabigo siya pagkaraan ng tatlong subok. Pero ganun pa man, napanatili pa rin niya ang paghahari sa SEA Games na una niyang napanalunan noong 2019 sa ating bansa.
“I’m relieved and happy to win the gold. I came here as a favorite and finally delivered. Mission accomplished,” sabi ni Obiena, 26, ang Asian record holder sa taas na 5.93 meters.
