HATAW! D'yaryo ng Bayan hatawtabloid.com
MALAKI ang naging agwat ng panalo ng tambalan ng mag-asawang Rep. Florida “Rida” P. Robes at Mayor Arthur Robes ng San Jose Del Monte City (SJDM) laban sa kanilang mga nakatunggali sa ginanap na halalan nitong Lunes, 9 Mayo 2022.
Humakot ng botong 136,680 si Rep. Robes kaya’t naging malaki ang kanyang lamang sa kanyang katunggali na nakakuha ng 79,000 boto.
Nakakuha ng napakalaking boto na umabot sa 150,394 si Mayor Robes na malayo rin sa nakuhang boto ng kanyang pinakamalapit na katunggali, na 45,000 boto.
Kahapon ay iprinoklama ng Commission on Elections (Comelec) ang mag-asawang Robes, kasama ang mga nanalo na kanilang katiket sa Arangkada San Joseño.
Lubos ang naging pasasalamat ni Rep. Robes sa napakalaking suporta na ipinagkaloob sa kanilang liderato ng mamamayan kasabay ng katiyakang ipagpapatuloy ang mabuting pagsisilbi sa bawa’t San Joseño para sa maayos nilang buhay at magandang kinabukasan.
