Oreta siguradong panalo sa Malabon

MAUGONG na maugong pa rin sa lungsod ng Malabon ang pangunguna ni mayoralty candidate Councilor Jose Lorenzo Oreta sa kanyang kandidatura.

Sa pinakahuling survey na isinagawa ng Philippine Survey and Research Center, nakakuha ng 58% vote mula sa mga kababayan ang batang konsehal habang tinambakan ang kanyang kalaban sa pagka-alkalde na si Jeannie Sandoval, 32% lamang ang nakuhang boto.

Kaugnay nito, nagpasalamat si Oreta sa mga kababayan na araw-araw siyang ipinapanalo sa kanyang kampanya bilang susunod na magpapatuloy ng pagbabago at asenso ng Malabon.

Ang nasabing survey ay mayroong 600 respondents na pawang mga botante ng Malabon. Ang margin of error nito ay ± 4% at nasa 95% confidence level.