Tulak tiklo sa 1.7 kilo ng ‘damo’

NASUKOL ng mga awtoridad sa ikinasang buy bust operation ang isang hinihinalang tulak na nasamsaman ng 1.7 kilo pinaniniwalaang marijuana sa lungsod ng Antipolo, lalawigan ng Rizal.

Kinilala ni PNP Drug Enforcement Group (DEG) Director P/BGen. Randy Peralta, ang naarestong suspek na si Jheremy Javier, alyas David, nasa hustong gulang, residente sa Brgy. Mambugan, sa lungsod.

Nakompiska mula sa suspek ang 1.7 kilo ng hinihinalang marijuana na tintatayang nagkakahalaga ng P212,500, cellphone na gamit sa transaksiyon, ilang ID cards, boodle money, at buy bust money.

Ayon sa mga tauhan ng PNP DEG Special Operation Unit (SOU) 4A, may tatlong linggo nilang isinagawa ang surveillance bago naaresto ang suspek. (EDWIN MORENO)