HATAW! D'yaryo ng Bayan hatawtabloid.com
PATAY ang isang estudyante matapos sumailalim sa initiation rites ng isang fraternity sa bayan ng Kalayaan, lalawigan ng Laguna.
Kinilala ang biktimang si Reymart Rabutazo, 18 anyos, estudyante, residente sa Purok 1C, Brgy. Longos, sa nabanggit na bayan.
Ayon sa ulat, dakong 4:50 pm noong Linggo, 20 Marso, nang magtungo ang lola ng biktimang si Elizabeth Rabutazo, upang isumbong ang nangyari sa kaniyang apo.
Lumalabas sa inisyal na imbestigasyon, sumailalim ang biktima sa inititation rites ng Tau Gama Fraternity sa bulubunduking bahagi ng Twin Falls, Brgy. San Juan, sa naturang bayan.
Nagawa pang madala sa Gen. Cailles Hospital, sa bayan ng Pakil, ang biktima ngunit idineklarang dead on arrival.
Agad nagpadala ang mga tauhan ng PCLO SOCO sa pagamutan upang magsagawa ng awtopsiya.
Patuloy ang isinasagawang isinagawang imbestigasyon ng mga awtoridad upang matukoy ang pagkakakilanlan at lokasyon ng mga suspek. (BOY PALATINO)
