HATAW! D'yaryo ng Bayan hatawtabloid.com
ARESTADO ang isang lalaking nakatalang No. 1 most wanted sa kasong murder at dalawang bilang ng kasong attempted murder sa bayan ng Rodriguez (Montalban), lalawigan ng Rizal, nitong Sabado ng hapon, 12 Marso.
Sa ulat ni P/Lt. Col. Marcelino Pipo, Jr., hepe ng lokal na pulisya, kay Rizal PNP Provincial Director P/Col. Dominic Baccay, kinilala ang suspek na si Juan Raga, 54 anyos may-asawa, residente sa Brgy.
San Isidro, ng nabanggit na bayan.
Nabatid na dakong 5:15 pm kamakawala nang masakote ng grupo ni P/Lt. Fernan Romulo ang suspek sa bisa ng mga warrant of arrest na inilabas nina Presiding Judge Josephine Zarate Fernandez ng San Mateo, Rizal RTC Branch 76 sa dalawang bilang ng kasong attempted murder; at Presiding Judge Judge Apollo Matala ng Rodriguez, Rizal MTC sa paglabag sa PD 1866.
Ayon kay Pipo, kabilang sa mga humuling operatiba sa suspek sina P/Maj. Joel Custodio ng Rizal Intelligence Unit (PIU), RIU4A at P/Capt. Aldrich Keith Bartolome.
Pinaniniwalaang lider ng gun-for-hire gang na kumikilos sa lalawigan ng Bulacan si Raga at nasa talaan ng pulisya bilang Top 1 Most Wanted ng CALABARZON. (EDWIN MORENO)
