Robin napipisil gumanap ni senatorial bet Ariel Lim sa kanyang bioflick

I-FLEX
ni Jun Nardo

BUNSONG kapatid ng Japan-based superstar-singer na si Marlene de la Pena ang senatoriable na si Ariel Lim. Si Lim ang national chairman ng TODA (samahan ng tricycle  operators and drivers) at nagsilbi sa gobyerno kaugnay ng kaalaman sa transportasyon.

Pero alam ba ninyong nakatakda sanang isapelikula ang buhay ni Lim matapos kausapin ni Boss Vic del Rosarioat anak na si Vincent? ‘Yun nga lang, naudlot ito dahil sa pandemic.

Umaasa si Lim na itutuloy ang pagsalin sa buhay niya ng Viva kapag maayos na ang sitwasyon sa bansa. At ang gusto niyang lumabas bilang siya eh si Robin Padilla.

Malinis ang hangarin ni Lim kung sakaling mahalal bilang senador sa Mayo at may mga supporter siyang handang tumulong sa kanya.