HATAW! D'yaryo ng Bayan hatawtabloid.com
NATAPOS ang pagtatago ng isang suspek sa dalawang bilang ng kasong statutory rape nang madakip ng mga awtoridad sa ikinasang manhunt operation sa lungsod ng Pasig, nitong Lunes ng hapon, 7 Marso.
Sa ulat, kinilala ni P/Col. Roman Arugay, hepe ng Pasig police, ang suspek na si Dick Royol Huit, nasa hustong gulang, residente sa Alvarez Peñaflor Compound, Brgy. Maybunga, sa lungsod.
Nabatid, dakong 5:00 pm kamakalawa nang nasakote ng grupo ni P/Maj. Jose Luis Aguirre, hepe ng Station Intelligence Section ang suspek sa C. Raymundo Ave., sa nabanggit na lugar.
Isinagawa ang manhunt operation sa bisa ng warrant of arrest na may petsang 17 Pebrero 2022, inisyu ni Presiding Judge Jesus Angelito, Jr., ng Pasig City RTC Branch 261 sa kasong dalawang bilang ng Statutory Rape under Art. 266-A Par (D) ng RPC sec. 5 (A) ng RA 8369.
Ayon kay Arugay, bahagi ng pinaigting na manhunt operation ng pulisya laban sa mga kriminal sa lungsod ang pagkakaaresto sa suspek. (EDWIN MORENO)
