Inatake sa puso
EX-VM NG MARIKINA PATAY SA ANTIPOLO

HINDI umabot nang buhay sa pagamutan si dating Marikina vice mayor Dr. Fabian Cadiz matapos atakehin sa puso habang kumakain ng almusal sa isang kainan sa Boso-Boso, lungsod ng Antipolo, lalawigan ng Rizal, nitong Linggo, 20 Pebrero.

Nabatid na nagbibisikleta sa lugar ang dating bise alkalde kasama ang isang kaibigan at tumigil sa isang kainan upang mag-almusal.

Nagpaalam umano si Cadiz na magtutungo sa banyo at tinapik pa sa balikat ang kaibigan saka nagpasalamat sa pagsama sa kaniya sa pagbibisikleta.

Bago makarating sa palikuran, bigla na lamang natumba si Cadiz na napag-alamang inatake sa puso.

Si Cadiz ay kasalukyang kandidato sa pagka-congressman ng unang distrito ng lungsod ng Marikina.

(EDWIN MORENO)