HATAW! D'yaryo ng Bayan hatawtabloid.com
NASAKOTE ng mga awtoridad sa kanyang pinagtataguan ang isang lalaking wanted sa kasong carnapping sa bayan ng Pililla, lalawigan ng Rizal, nitong Martes ng umaga, 1 Pebrero 2022.
Kinilala ni P/Col. Dominic Baccay, Rizal PPO Director, ang naarestong suspek na si Jerry Obinguar, 29 anyos, residente sa M.A. Roxas St., Brgy. Bagumbayan, sa nabanggit na bayan.
Ayon kay P/Maj. Florante Yu, hepe ng pulisya, dinakip nila ang suspek dakong 12:20 am, kamakalawa, sa kaniyang bahay, sa bisa ng warrant of arrest laban sa suspek na nilagdaan ni Presiding Judge Maria Josefina Goseco ng Morong RTC Branch 79 sa kasong paglabag sa Anti-Carnapping Act of 2016 na may petsang 3 Disyembre, 2021.
Base sa talaan ng pulisya, si Obinguar ay ikalima sa most wanted sa buong probinsya. (EDWIN MORENO)
