Nahulog sa puno ng Bignay lalaki patay sa San Juan

BINAWIAN ng buhay ang isang 57-anyos lalaki nang mahulog mula sa inakyat na puno ng Bignay nitong Linggo ng umaga, 30 Enero.

Kinilala ang biktimang si Wilmore Cayao, 57 anyos, residente sa G. Road – 6, 1^st West Crame, sa lungsod. 

Batay sa imbestigasyon ni P/Cpl. Jarian Jay Encina, dakong 10:20 am kamakalawa nang akyatin ng biktima ang puno ng bignay na may taas na 30 talampakan para putulin ang mga sangang nakayukyok sa bubungan ng kaniyang bahay. 

Agad naisugod sa Camp Crame Hospital ng pamangkin niyang si Vincent Mendoza ngunit binawian din ng buhay ang biktima.

Nagsasagawa ng pinal na imbestigasyon ang San Juan PNP para suriin kong may foul play sa kaso. (EDWIN MORENO)