HATAW! D'yaryo ng Bayan hatawtabloid.com
NASAMSAM ng mga awtoridad ang 31 kahon ng mga puslit na imported na sigarilyo sa bayan ng Indanan, lalawigan ng Sulu, nitong Sabado ng gabi, 1 Enero.
Ayon kay P/Maj. Edwin Sapa, hepe ng Indanan PNP, natagpuan ng pulisya ang inabandonang kontrabando habang nagpapatrolya sila sa Sitio Laum Niyog, Brgy. Kajatian, sa nabanggit na bayan.
Naglalaman ang mga narekober na kahon ng mga sigarilyong may mga brand na Canon, Famous, B&R at Stone.
Tinataya ng mga awtoridad ang halaga ng mga nasakoteng sigarilyo.
Ani Sapa, agad tumakas ang mga taong maghahatid ng mga kontrabado sa isang buyer matapos nilang makita ang mga alagad ng batas.
Agad ini-turnover ang mga nasamsam na mga sigarilyo sa tanggapan ng Bureau of Customs sa Jolo para sa kaukulang disposisyon.
