HATAW! D'yaryo ng Bayan hatawtabloid.com
DALAWANPU’T LIMA katao ang nahuling abala sa pagsigaw habang naglalaban ang dalawang manok na may tari sa Malabon City, kamakalawa ng umaga.
Kinilala ang mga nadakip na sina Artagnan Gonora, 60, Sherwin Almodiel, 46, Gonzalo Orbaneja, 60, Ariel Montes, 24, Reynaldo Delima, 49, Ronnie Dino, 43, Elmedio Esola, 54, Fernando Galang, 43, Benjamin Arquilita, 36, Wilfon Vasquez, 45, Florencio Sepnio, 45, Lucas Septio, 58, Rolly Bello, 37, Domenciano Tumbokon, 49, Roger Estolano, 54, Limer Rivera, 46, Ronaldo Macalobre, 45, Antonio Pataueg, 55, Wilfredo Ursabia, 59, Rommel Imperial, 39, Wilfredo Cabel, 52, Eduardo Quijano, 54, Rene Roy Ursal, 55, Felipe Escorial,, Jr., 51, Eduardo Lumanog, 52 anyos.
Batay sa ulat ni P/MSgt. Julius Mabasa kay Northern Police District (NPD) Director P/BGen. Jose Santiago Hidalgo, Jr., nakatanggap ang District Special Operation Unit (DSOU) sa ilalim ng pangangasiwa ni P/Lt. Col. Jay Dimaandal ng impormasyon mula sa isang concerned citizen hinggil sa nagaganap na tupada sa Acero St., Brgy. Tugatog.
Agad bumuo ng team ang mga operatiba ng DSOU sa pangunguna ni P/Maj. Vicky Tamayo saka pinuntahan ang naturang lugar, kasama ang mga tauhan ng Malabon police na nagresulta sa pagkakaaresto sa 25 katao.
Nakompiska ng mga pulis ang dalawang patay na panabong na manok na may tari at P15,000 bet money. (ROMMEL SALES)
