Wednesday , March 19 2025
Eric Santos

Erik aminadong matagal ng walang kayakap

SHOWBIZ KONEK
ni Maricris Valdez Nicasio

AMINADO si Eric Santos na wala siyang kayakap ngayong Kapaskuhan. At matagal-tagal na siyang walang kayakap.

Ang rason, ”mayroon akong gusto pero kapag nagkakakilala ng mabuti, malalaman mo na hindi kayo swak. Mayroon naman (gusto) tao lang,” ani Eric sa launching ng kanyang Christmas single na Paskong Kayakap Ka na isinagawa sa Academy of Rock kahapon ng tanghali.

Niloko ng Entertainment Press si Eric na wala na siya sa kalendaryokaya dapat ay maghanap na siya ng mapapangasawa. Kaya natanong siya kung ano-anong qualities ang hinahanap niya.

“’Yung mamahalin talaga ako at mamahalin ko rin at the same time. ‘Yung grabe ‘yung faith niya kay God. Kailangan pareho kami ng faith. Pareho kami ng values in life and ‘yung mamahalin din ang pamilya ko,” tugon nito.

At aminado naman si Eric na talagang malamig kapag walang kayakap. Kaya isa ito sa rason kung bakit nakagawa siya ng single ukol sa yakap. Swak kasi ang awiting ito sa mga nami-miss makasama ang mga mahal sa buhay ngayong Kapaskuhan.

“Dahil sa pandemya, maraming tao tayong nami-miss at gustong makasama at makayakap na matagal na nating hindi nakikita—Kapamilya, malalapit na kaibigan, kasintahan, at mga mahal sa buhay. Ngayong darating na Kapaskuhan, sino ang gusto mong kayakap?” sambit ni Eric.

Isinulat at komposisyon ni ABS-CBN Music creative director Jonathan Manalo ang Paskong Kayakap Ka na tungkol sa kagustuhang makapiling ang mga espesyal na tao sa iyong buhay para mas maging masaya ang selebrasyon ng Pasko. Maririnig sa kanya ang soft piano instrumental na mas pinaigting ang ‘nostalgic’ mood nito.

Nito lang Oktubre inilabas naman ng King of OPM Theme Songs ang bersiyon niya ng worship song na Sigaw Ng Puso tungkol sa pagsunod sa plano ng Diyos sa kabila ng maraming unos sa buhay. Regular siyang napapanood bilang host at performer sa ASAP Natin ‘To.

Kasabay ng Paskong Kayakap Ka single, inilunsad din ni Erik ang produktong lalong nagpapabango sa kanya, ang Erik Secret Scents na negosyo nilang magkakaibigan.

Halina’t yakapin ng mahigpit ang mga taong mahalaga sa iyo at pakinggan ang Paskong Kayakap Ka ni Erik.

About Maricris Valdez Nicasio

Check Also

Andrew Gan, endorser at investor sa EcoEenergy

Andrew Gan, endorser at investor sa EcoEenergy

ALAM MO NA!ni Nonie Nicasio MAY bagong endorsement si Andrew Gan at masasabing malapit ito …

Cecille Bravo Jameson Blake KD Estrada Collab 

Celebrity businesswoman Cecille Bravo  producer at umarte sa Collab

MATABILni John Fontanilla MULA sa pagiging celebrity businesswoman at philanthropist ay pinasok na rin ni Cecille …

SB19 Dam

Dam ng SB19 nasa top spot ng Billboard

MATABILni John Fontanilla BONGGA talaga ang SB 19 dahil ang bago nilang awiting Dam ay pumalo sa top spot …

FFCCCII Ne Zha 2

Ne Zha 2 dapat mapanood ng pamilyang Pinoy

MA at PAni Rommel Placente NAPANOOD namin ang Chinese animated film na Ne Zha 2, sa ginanap na special …

Roderick Paulate Maricel Soriano

Kuya Dick at Maricel panalo sa 38th PMPC Star Awards for TV

MA at PAni Rommel Placente WAGI ang mag-bestfriends na sina Roderick Paulate at Maricel Soriano sa 38th PMPC Star Awards …