Sunday , December 5 2021
Gigi de Lana, Sakalam

Gigi ‘di napigilang umiyak sa launching ng debut single

SHOWBIZ KONEK
ni Maricris Valdez Nicasio

EMOSYONAL si Gigi de Lana sa paglulunsad ng kanyang debut single, ang Sakalam na ini-release ng Star Music.

May mga pagkakataong naiyak talaga si Gigi habang sumasagot sa mga katanungan ng entertainment press.

Ang dahilan, unti-unti ng natutupad ang kanyang mga pangarap, kasama na itong debut single at ang mensahe ng kanta.

“Habang kinakanta ko ‘yung ‘Sakalam,’ nasasaktan ako. Inilalagay ko ‘yung sarili ko sa song kasi gusto kong kantahin na punompuno ng soul. Sobrang nakare-relate kasi sa mga pinagdaanan ko rin sa buhay,” paliwanag ni Gigi ukol sa power rock ballad song na tungkol sa pighati ng isang tao na hindi makabitaw sa karelasyon na nagbago na ang nararamdaman para sa kanya. Kabalitaran ito ng salitang “malakas” na mas nagpapatindi ng lungkot na ipinararating ng kanta.

 
Bale binigyan ng bagong kahulugan ni Gigi ang Pinoy slang na “Sakalam” sa debut single niya.

Ani Gigi, nakapagbibigay positive vibes din ang mensahe ng kanyang awitin sa mga nakararanas ng matinding heartbreak. “Even though ‘sakalam’ talaga siya, pansamantala lang ‘yang nararamdaman mo. Itong song na ito, hindi lang tungkol sa heartbreak. May ibinibigay din itong positive vibes.”

Bukod sa pagiging kauna-unahang original song ng pinakabagong pop rock diva at tinaguriang breakthrough star ng 2021, ang Sakalam din ang unang single sa kanyang debut full-length album na ire-release sa 2022. Sa ngayon, nasa top spot ng Fresh Finds playlist ng Spotify Philippines ang kanta.
 
Ini-record ng Star Magic artist at RISE Artists Studio talent ang  Sakalam kasama ang mga miyembro ng The Gigi Vibes band na sina Jon Cruz, Jake Manalo, LA Arquero, at Romeo Marquez. Isinulat ito at binuo ni Romeo kasama si Erwin Lacsa, habang si Jon naman ang nag-areglo ng kanta. Si ABS-CBN Music creative director Jonathan Manalo naman ang producer.

Gigi de Lana, Sakalam, GG Vibes Band

Bukod sa Sakalam, inanunsyo ni Gigi ang marami pang mga nakalinyang proyekto niya para sa 2021, kasama na ang pagiging bahagi  sa Filipino music festival na 1MX Dubai at ang pag-headline niya sa sarili niyang YouTube Music Night  digital concert na parehong gaganapin sa Disyembre. 

Damhin ang Sakalam na sakit at pakinggan ang debut single ni Gigi sa iba’t ibang digital music platforms. Mapapanood na rin ang music video ng kanta sa ABS-CBN Star Music YouTube channel.

About Maricris Valdez Nicasio

Check Also

Klinton Start Aspire Magazine

Klinton Start cover ng Aspire Magazine, may serye pa sa ABS-CBN

MATABILni John Fontanilla HAPPY si Klinton Start dahil sa dami ng proyektong ginagawa niya ngayon. Bukod sa napili ito ng publisher …

Samantha Bernardo

Samantha ‘di nakasali sa MUP

MATABILni John Fontanilla SASALI pala sana ang Miss Grand International 2020 1st runner-up Samantha Bernardo sa 2021 Miss Universe Philippines.At kahit alam nito …

Jeyrick Sigmaton Carrot Man

Carrot Man Jeyrick wagi sa NY

RATED Rni Rommel Gonzales NI sa panaginip ay hindi inaasahan ni Jeyrick Sigmaton na magkakaroon siya ng isang international …

Miguel Tanfelix

Miguel ayaw sa babaeng maarte

RATED Rni Rommel Gonzales INILAHAD ni Voltes V: Legacy star Miguel Tanfelix ang nag-iisang ugali na ayaw sa isang babae sa …

Alden Richards, Jasmine Curtis-Smith, Tom Rodriguez, The World Between Us

Serye nina Alden, Tom, at Jasmine nasa GTV na

RATED Rni Rommel Gonzales HINDI mo ba napapanood ang The World Between Us sa GMA? Huwag mag-alala dahil mapapanood …