HATAW! D'yaryo ng Bayan hatawtabloid.com
KITANG-KITA KO
ni Danny Vibas
PAREHONG pwedeng gumawa ng pelikula sina Bea Alonzo at John Lloyd Cruz na hindi ang GMA Films ng Kapuso Network ang producer.
Deklara ng talent manager-PEP Troika columnist na si Noel Ferrer kamakailan: “The good news is… walang exclusive film contracts sina Bea at Lloydie sa GMA or any film outfit for that matter.
“So, may posibilidad pa rin silang magsama sa pelikula—at posible pa rin silang maidirek ni Cathy—na talagang malapit na malapit sa kanilang dalawa.
“Sana mangyari pa rin iyun!”
Dagdag pa ni Noel: “At sana invested din sina Lloydie at Bea roon para may say sila sa materyal na gagawin nila at may taya sila roon para pagandahin pang lalo.”
In short, kung gugustuhin nina Bea at John Lloyd, pwede silang magkatambal uli sa isang pelikula na walang kinalaman ang Kapuso Network.
At kung tatanaw sila ng utang na loob, dapat ay sa Star Cinema nila gawin ‘yon, at sa direksiyon ni Cathy Garcia-Molina na napatunayan ng may magic sa takilya. Siya lang naman ang direktor ng all-time highest grossing film in the country: ang Hello, Love, Goodbye nina Kathryn Bernardo at Alden Richards at produced ng Star Cinema.
Speaking of Noel, reliable ang knowledge n’ya tungkol sa mga kontrata ng bigtime personalities sa bansa. Siya ang business manager ng first Filipino Olympic gold medalist na si Hidylyn Diaz, Iza Calzado, Kim Atienza, at EA Guzman, among others.
