Bianca ibabahagi ang ‘sakit’ ng Itigil Mo Na

Rated R
ni Rommel Gonzales

ANG magandang Kapuso actress na si Bianca Umali ang guest sa seventh episode ng Behind The Song Podcast.

Sa  episode ay iinterbyuhin ng Kapuso singer at host na si Thea Astley si Bianca, pati na rin ang director-songwriter na si Njel De Mesa at music producer na si Paulo Agudelo, at pag-uusapan nila ang paglalakbay sa  masakit na karanasan sa pag-ibig na siyang kuwento ng kanta ni Bianca na Itigil Mo Na.

Ang podcast ay available na for streaming sa Spotify simula November 9 at ang release naman ng full video ay sa November 11 sa website at social media platforms ng GMA Network.

Ang Behind The Song ay ang bagong podcast ng GMA na ang mga artist mula sa iba’t ibang panig ng mundo ay maaaring mag-guest para pag-usapan at i-promote ang kanilang music at kung ano-ano ang mga proseso para mabuo ang isang kanta o music video.