Sunday , November 27 2022
Bianca Umali, Miguel Tanfelix, BiGuel
Bianca Umali, Miguel Tanfelix, BiGuel

Bianca sobrang iniyakan si Miguel

Rated R
ni Rommel Gonzales

TRENDING ang guesting ni Bianca Umali sa The Boobay And Tekla Show nitong Linggo, September 5.

Sa May Pa-Presscon segment at sa segment na aktingan challenge o Ang Arte Mo ay si Miguel Tanfelix ang naging topic.

Matagal na magka-loveteam ang dalawa noon at hindi naman inilihim ni Miguel ang panliligaw sa dalaga.

Kumalat nang husto ang tsika na may relasyon sila noong mga panahon na magka-loveteam sila pero hindi sila umamin.

Going back sa guesting ni Bianca sa TBATS kamakailan sinabi nito na, ”Okay kami ni Miguel. Nagkikita pa rin naman kami when we have work at nakakapag-guest ako sa ‘All-Out Sundays,’ dito sa GMA, ganyan.

“We’re very okay, kasi hindi naman biro ‘yung tagal ng samahan namin noong magka-love team kami bilang BiGuel.

“So, I believe malaking parte rin naman ng mga buhay at ng career namin sa isa’t isa. So, sa ngayon kapag nagkikita kami, talagang okay naman.”

Sa Ang Arte Mo segment, pina-reenact sa kanila ang madramang eksena sa Sahaya na umiiyak si Miguel na sinasabi niyang nadudurog siya tuwing nakikita niyang masaya si Sahaya (Bianca) kasama ang iba.

Nang inarte uli ito ni Bianca, kasama sina Boobay at Tekla, tuloy-tuloy ang pagpatak ng luha ng Kapuso actress.

Kahit medyo komedya ang delivery ng dalawang komedyante, tuloy ang pag-iyak ni Bianca.

Isa raw iyon sa pinaka­paborito nilang eksena ni Miguel.

“Naalala ko ‘yan kasi pinag-uusapan namin kung paano naming gagawin, kasi noong araw na ‘yan, pagod na pagod na kami.

“Madaling araw na ‘yun. Tapos, eto ‘yung last namin na eksena, eh, malaking bagay ang eksena na ‘to sa story,” pahayag ni Bianca.

Saan sila humugot ng emosyon para sa madramang eksenang iyon?

“Siguro masasabi ko na lang… Paano ba? Every time na aarte kami ni Miguel na magkasama, mayroon kaming hugot na personal at mayroon kaming hugot na na-share namin parehas.

“At may respeto kami sa feelings ng isa’t isa,” sinabi pa ni Bianca.

Kasalukuyang napapanood ang husay ni Bianca bilang aktres sa Legal Wives kasama sina Andrea Torres, Alice Dixson, at Dennis Trillo.

About Rommel Gonzales

Check Also

Sama-Samang Tinig ng Pasko Christmas Chorale Showdown TV5

Sama-Samang Tinig ng Pasko tampok sa Barangay Christmas Chorale Showdown ng TV5

MAS pinabongga at pinasaya ang Christmas campaign ng TV5 ngayong taon dahil sa inaabangang Sama-Samang Tinig ng Pasko …

SPEEd EDDYs Nominees

Ika-5 edisyon ng The EDDYS eeksena na ngayong gabi sa MET;
sino-sino ang tatanghaling pinakamagaling?

MAGKAKAALAMAN na ngayong gabi kung sino-sino ang tatanghaling pinakamagagaling sa larangan ng paggawa at pagbuo …

Plus Size Fashion Stream

Philippine Plus Size Fashion Stream, makatuturan at ibang klaseng pagrampa ang hatid

ALAM MO NA!ni Nonie Nicasio IBANG klaseng pagrampa ang magaganap sa Dec. 28, 2022 sa Okada …

Kiko Estrada AJ Raval Angeli Khang US X HER 2

AJ, Angeli, at Kiko, nagrigodon sa US x Her ng Vivamax

ALAM MO NA!ni Nonie Nicasio MAPAPASOK sa  ibang klaseng sitwasyon sina AJ Raval, Angeli Khang, …

Glaiza de Castro 29th Filipino International Cine Festival

Husay ni Glaiza kinilala abroad

MA at PAni Rommel Placente BONGGA si Glaiza de Castro, huh! Hindi lang kasi sa ating …

Leave a Reply