HATAW! D'yaryo ng Bayan hatawtabloid.com
MA at PA
ni Rommel Placente
SA pinakabagong vlog ni Kim Chiu na kasama ang boyfriend na si Xian Lim, sinagot ng dalawa ang ilang mga katanungan mula sa kanilang mga tagahanga.
Isa sa mga tanong ng mga netizen ay kung bakit parang nahihiya na magsabi ng I love you si Kim kay Xian.
Si Xian ang unang sumagot. Sabi niya, ”Sagana ako sa I love you. Saan ninyo po nakuha ‘yung idea na nahihiya si Kim na mag-I love you?
“Tiba-tiba pa nga ako sa I love you ni Kim. Pero I think hindi lang talaga kami PDA (public display of affection) na tao. Hindi tayo ma-PDA. ‘Yon tayo ‘yung type ng relationship namin is hindi kami ma-PDA,” paliwanag pa ni Xian.
Ang sagot naman ni Kim, “alam na namin ‘yun sa isa’t isa.”
After sagutin ang tanong ng kanilang fan, nagbigay ng payo sina Kim at Xian kung paano mapahaba at mas mapatatag ang isang relasyon na tulad ng sa kanila..
“Loyalty and trust sa partner mo. Loyal ka, loyal ang partner mo at may tiwala ka sa partner mo na hindi siya gagawa ng kalokohan. Iwas sa mga duda-duda. Selos-selos sometimes pero okay lang naman ‘yon,” sabi ni Kim.
Pagsang-ayon naman ni Xian, ”Yes, tama si Kim. I guess putting it into work. Hindi porke kayo na ay petiks-petiks na lang. I guess it’s your duty and obligation.”
Siguro kaya tumagal ang relasyon nina Kim at Xian ay dahil nga may trust sila sa isa’t isa ‘di ba? Hindi nila pagdududahan na may magloko isa man sa kanila. Wish lang namin na sana nga ay may forever sa kanilang relasyon, na hindi na sila maghihiwalay pa.
