Show ni Heart sa GMA inendoso nina Louboutin at Boyd

I-FLEX
ni Jun Nardo

BIGATIN ang endorser ng bagong Kapuso series ni Heart Evangelista na I Left My Heart In Sorsogon dahil kaibigan niya itong international celebrities, huh!

Ang international celebs na nang-iimbita sa mga Pinoy na panoorin ang I Left My Heart in Sorsogon ay ang international shoe designer na si Christian Louboutin at rock group main man na si Brandon Boyd.

Kapwa may pasiklab na video sina Louboutin at Boyd na inilabas sa Twitter ng gmanetwork.com.

“Hey Philippines and Heart! This is Christian Louboutin speaking. I would like to invite everyone to watch ‘I Left My Heart in Sorsogon,’” saad ni Christian sa video.

“Hi Manila! Hi Heart! I just wanted to invite all of you to watch ‘I Left My Heart In Sorsogon.’ Peace,” sabi naman ni Boyd.

Ngayong buwan ang telecast ng bagong series ni Heart kapareha sina Paolo Contis at Richard Yap sa una niyang serye sa GMA.