HATAW! D'yaryo ng Bayan hatawtabloid.com
ARESTADO ang apat katao nang masamsaman ng 22 gramo ng hinihinalang shabu sa ikinasang anti-illegal drugs operation ng pulisya sa Brgy. Concepcion Uno, sa lungsod ng Marikina, nitong Linggo, 31 Oktubre.
Kinilala ang mga nadakip na sina Jonny Yap, 50 anyos; Nicodemus Eugenio; John Resoso, 22 anyos; at Rose Mary Ann Inamac, alyas Nene, 32 anyos, pawang residente sa Bantayog St., sa nabanggit na barangay.
Nabatid na naaresto ng mga awtoridad ang mga suspek dakong 8:10 pm, kamakalawa, nang pagbentahan ng hinihinalang ilegal na droga ang isang operatiba kapalit ng buy bust money.
Nakompiska mula sa mga suspek ang pitong transparent plastic sachet ng hinihinalang shabu na may timbang na 22 gramo, tinatayang nagkakahalaga ng P149,600, isang kaha ng sigarilyo, buy bust money, at shabu paraphernalia.
Kasalukuyan nakapiit ang apat na suspek sa detention cell ng pulisya at nakatakdang sampahan ng kasong paglabag sa Section 5 at 11 ng Article II ng RA 9165 o Comprehensive Dangerous Drugs Act of 2002. (EDWIN MORENO)
