Top 1 MWP ng Pasig, arestado sa CamSur

NADAKIP ng mga tauhan ng Eastern Police District (EPD) sa lalawigan ng Camarines Sur ang isang 54-anyos lalaking itinuturing na Top 1 most wanted person (MWP) may nakasam­pang kasong Parricide.

Kinilala ni P/BGen. Matthew Baccay, EPD director, ang naarestong suspek na si Alfonso Sto. Domingo, residente sa Katarungan St., Brgy. Caniogan, sa lungsod ng Pasig.

Nabatid na dakong 1:00 pm nitong Huwebes, 21 Oktubre, nang masukol ng mga tauhan ng warrant section ang suspek sa Brgy. del Rosario, sa bayan ng Minalabac, Camarines Sur.

Inihain ng mga tauhan ng EPD – Special Operation Unit at District Intelligence Unit (DIU) ang warrant of arrest na nilagdaan ni Presiding Judge Nicanor Manalo, Jr., ng Pasig City Regional Trial Court (RTC) Branch 161, may petsang 10 Disyembre 2020, sa kasong Parricide, may Criminal Case No. R-PSG-20-02557-CR.

Nauna rito, nagsa­gawa ng serye ng surveillance at back­tracking operation upang matiyak ang pinagtata­guan ni Sto. Domingo bago siya inaresto.

 (EDWIN MORENO)