HATAW! D'yaryo ng Bayan hatawtabloid.com
KITANG-KITA KO
ni Danny Vibas
PARANG panahon ngayon ng mga tambalang babae-sa-babae.
Not necessarily romantic pairing sa isang pelikula o serye. Mayroon ding collaboration lang sa trabahong nasa labas ng showbiz para mapaiba sa ordinaryo na, o palasak na.
Ang isang tambalang babae-sa- babae na kolaborasyon sa trabaho ay ang kina Ali Sotto at Pat-P Daza bilang hosts ng Ano sa Palagay N’yo? na magsisimulang itanghal sa Net 25 TV ngayong Lunes lang, October 18, from 8:00 a.m. to 10:00 a.m., Lunes hanggang Biyernes ang programa na ibu-broadcast din sa Radyo Agila 1062 Khz at Eagle FM 95.5.
Tungkol sa public issues ang programa. Paliwanag ni Pat-P: ”I want to take it to a softer point of view. Maraming isyu na hindi natin pwedeng palampasin. We have to know what’s happening para at least mayroon tayong kaalaman kung paano natin pwedeng labanan ang mga nangyayari.”
Punto naman ni Ali: ”Gagawin namin ang talakayan sa paraang ‘di mauuwi sa mas matindi pang disunity ng mga Pinoy. Iba’t ibang kulay ang iginigiit natin ngayon. May pink, may green, may blue, kung ano-anong kulay.
“Okey lang ‘yung may sari-sarili tayong kulay, pero huwag tayong mag-away-away, huwag tayong magkawatak-watak. Iisa lang ang bansa nating lahat.”
Magkakilala naman sina Ali at Pat-P pero ngayon pa lang sila magiging magkatrabaho. Dating identified si Ali sa DZBB ng Kapuso Network samantalang si Pat-P naman ay sa DZMM ng Kapamilya Network.
Magiging “very light at naiintindihan ng lahat ng tao” ang talakayan, sabi nga nina Ali at Pat-P na parehong mga misis at ina, kaya’t may perspektibo silang iba sa mga lalaking may commentary programs din sa teleradyo.
Mapapanood din ang Ano sa Palagay N’yo? sa YouTube channel at Facebook page ng programa.
Oo nga pala, akala ni Ali ay talagang magri-retire na siya from broadcasting. Masaya na nga siyang nagbe-vegetable gardening.
Pagtatapat ni Ali sa Kada Umaga: ”Pero naka-receive ako ng call mula sa kauna-unahang network executive na nagbigay sa akin ng break na maging broadcaster dahil sa paniniwala n’yang kakayanin ni ko ‘yon.
“That was 17 years ago sa isang network. So how can I say ‘no’ to her.” Excited naman siya na ang makatalakayan n’ya sa Ano Sa Palagay N’yo? ay si Pat-P na may karanasan na rin naman na mag-host ng programang tumatalakay sa maiinit na isyus sa iba’t ibang aspeto ng buhay
