HATAW! D'yaryo ng Bayan hatawtabloid.com
KITANG-KITA KO
ni Danny Vibas
NAGSIMULA na uling mag-post sa kanyang Instagram si Jennylyn Mercado. Bumangon na siya mula sa banig ng karamdaman, ‘ika nga.
Advance Christmas pics sa Christmas tree nila ng live e-in boyfriend n’yang si Dennis Trillo ang ipinost n’ ya.
Sa picture nila na lumabas sa isang broadsheet, halatang galing sa sakit si Jennylyn. At bigla siyang nagmukhang nanay. Bagama’t nanay na nga siya ng anak nila ng ex-boyfriend n’yang si Patrick Garcia, mukhang dalagang-dalaga pa rin siya bago siya nagkaroon ng medical emergency na nagpatigil sa lock-in taping ng Kapuso serye na Love. Die. Repeat.
Kung di naman pagdadalantao ang “karamdaman” ni Jen, nawa ay gumaling na siya nang lubusan para bumalik ang alindog n’ya na mukhang dalagang-dalaga pa rin. Magtapat na sana ng katotohanan ang lahat ng may kinalaman at maaapektuhan ng kung ano mang karamdaman o kalagayan si Jennylyn. To God be the Glory, ‘di ba?
Dahil nabimbin na rin lang ang pagpapalabas ng serye nila ni Xian Lim, sana nga ay palitan na ang titulo nito. Naiintidihan naman ng ilan na figurative ang paggamit ng “die” sa titulo, pero parang ‘di talaga kaibig-ibig ang energy/vibes ng “die.” Okey naman kung ang gamitin nila ay Love. Live. Repeat.
