HATAW! D'yaryo ng Bayan hatawtabloid.com
NADAKIP ang dalawang hinihinalang tulak sa ikinasang anti-drug operation ng mga awtoridad, sa lungsod ng Mandaluyong, nitong Miyerkoles, 6 Oktubre.
Kinilala ng pulisya ang dalawang arestadong suspek na sina Rommel Paglinawan, 48 anyos; at Fatima Gorospe, 32 anyos, kapwa mga residente sa Brgy. Poblacion, sa lungsod.
Nabatid na dakong 11:20 pm, kamakalawa, nang nagkasundo ang police poseur buyer at mga suspek sa halagang P35,000 shabu.
Aktong iniaabot ni Paglinawan nang sumingit si Fatima hawak ang isang transparent plastic sachet ng hinihinalang shabu, dahilan para arestohin ng mga operatiba ang mga tulak.
Nakuha mula sa mga suspek ang 25 gramo ng hinihinalang shabu na nagkakahalaga ng P170,000; 0.2 gram ng hinihinalang shabu may kantidad na P1,360; isang cellphone, P1,000 buy bust money at 34 piraso ng boodle money. (EDWIN MORENO)
