HATAW! D'yaryo ng Bayan hatawtabloid.com
MULING nakapagtala ang Department of Foreign Affairs ( DFA) ng 40 bagong kaso ng CoVid-19 sa mga Filipino abroad.
Sa kabuuan umabot sa 23,313 ang kompirmadong kaso ng CoVid-19 sa mga Pinoy abroad, 8,376 dito ang nananatiling nagpapagaling sa ospital.
Umakyat naman sa 13,552 ang mga naka-recover sa naturang sakit kabilang ang 87 bagong gumaling sa CoVid-19.
Ayon sa DFA, nasa 1,389 ang bilang ng mga namatay dahil sa naturang sakit, kabilang rito ang dalawang Pinoy na binawian ng buhay nitong nakalipas na linggo.
Nanatiling pinakamataas ang tinamaang Pinoy ng CoVid-19 sa Middle East na may 13,113, pangalawa ang Asia Pacific region na may 5,517, pangatlo ang Europa at pang-apat ang America.
Patuloy na naka-monitor ang Kagawaran at Foreign service posts sa mga Filipino abroad upang maalalayan ang mga kababayan na naapektohan ng pandemya. (GINA GARCIA)
