HATAW! D'yaryo ng Bayan hatawtabloid.com
HARD TALK!
ni Pilar Mateo
ISANG magandang balita.
As shared sa mga pahayagan sa Amerika.
Lalabas sa isang Pinoy-Hollywood movie na may pamagat na Angel Warrior ang ating aktres na si Bea Alonzo sa pamamagitan ng Inspire Studios.
Sa kalagitnaan ng 2022 sisimulan ang principal photography nito. Na ipamamahagi ang worldwide release.
Ayon sa balita ang istorya ay fact-based mula sa mga kwento ng WWII.
Hindi lang ‘yan.
Ang atin ding Pambansang Kamaong si Manny Pacquiao pala ang katulong na prodyuser nito, kasama ang founder at CEO ng Inspire Studios na si John Shepherd (Stoning of Soraya M.). At mula ito sa panulat ni Cyrus Nowrasteh.
Gagampanan ni Bea ang katauhan ni Tala, ang pre-war Filipina na ang near-death experiences ang babago sa buhay niya upang mapasama at maging isang underground fighter o mandirigma na tumutulong sa mga Pinoy at ‘Merkano’ng guerillas sa nasabing panahon. Na naganap sa isla ng Panay. Sa tinatawag na resistance government noong Japanese occupation.
Ang nasabing proyekto ay ilulunsad sa isang event sa Los Angeles, California sa October 2, 2021 bilang bahagi ng pagdiriwang ng Filipino Culture and History of Migration of the Filipinos in the US.
Way to go, Bea!
Good karma. Katumbas ang katakot-takot na blessings. Yaman at isa ka naman talagang premyadong aktres na talagang kailangang mas lalo pang mapansin. Hindi lang dito sa bansa kundi internationally.
